Եղանակն՝ այսօր
Բալթյան երկրները հրաժարվել են Ռուսաստանի հետ նույն կոալիցիայում պայքարել ԻՊ-ի դեմ
Լիտվայի, Լատվիայի և Էստոնիայի ղեկավարները ուրբաթ երեկոյան Լիտվայի Պալանգա քաղաքում տեղի ունեցած բանակցությունների արդյունքում որոշում են կայացրել չմասնակցել «Իսլամական պետություն» խմբավորման դեմ պայքարին Ռուսաստանի հետ նույն կոալիցիայում:
Ինչպես հաղորդում է Корреспондент-ը` հղում անելով լիտվական Diena պարբերականին, Լիտվայի նախագահ Դալյա Գրիբաուսկայտեն նման դիրքորոշումը մեկնաբանել է նրանով, որ Ռուսաստանը «ռազմական գործողություններ է իրականացնում երկու երկրում` Ուկրաինայում և Վրաստանում»:
Լատվիայի նախագահ Ռայմոնդս Վեյոնիսն իր հերթին ընդգծել է, որ «Եվրամիության հարավային սահմաններում տիրող ճգնաժամը չպետք է ուշադրությունը շեղի Ուկրաինայից»:
Էստոնիայի նախագահ Թոմաս Հենդրիկն, իր հերթին, Ռուսաստանին «ագրեսոր» է անվանել:
Բալթյան երկրների նախագահները նաև կոչ են արել ամրապնդել Եվրամիության արտաքին սահմանները, ապա նոր խոսել ԵՄ տարբեր հատվածներում ներգաղթյալներին տեղաբաշխելու մասին:
Studio One