Կիևում տղամարդը փորձել է նռնակ անցկացնել ինքնաթիռ (լուսանկարներ)

Կիևում 35-ամյա զինվորականը փորձել է նռնակ անցկացնել ինքնաթիռ, գրում է unian.net-ը։

Նռնակն ու պայթյունավտանգ այլ իրերը զինծառայողը փորձել է ինքնաթիռ մտցնել ձեռքի ուղեբեռում։ Այդ մասին հայտարարել է Կիևի ազգային ոստիկանության մամուլի ծառայությունը։

Դեպքի վայր են ժամանել փորձագետները: Մայրաքաղաքի իրավապահներն առգրավել և փորձաքննության են ուղարկել հայտնաբերած վտանգավոր իրերը։

Տղամարդը հայտարարել է, թե պարզապես «մոռացել է պայուսակից հանել զինամթերքը»։

Տղամարդուն սպառնում է մինչև յոթ տարվա ազատազրկում։