Չիկագոյի բնակիչները դուրս են եկել փողոցներ՝ ոստիկանների կողմից աֆրոամերիկացու սպանության տեսանյութի հրապարակումից հետո (նկարներ)

Չիկագոյի մոտ 100 բնակիչ դուրս է եկել քաղաքի կենտրոն՝ ցույցի։ Պատճառը ոստիկանության աշխատակիցների հրապարակած տեսանյութն է, որում ֆիքսվել է ոստիկանների կողմից 2014 թվականին դեռահաս աֆրոամերիկացու սպանության պահը, գրում է gazeta.ru-ն։

Իշխանությունները հայտարարել էին, որ նա զինված է եղել դանակով և թմրադեղերի ազդեցության տակ է գտնվել։

Կադրերում երևում է, թե ինչպես են երկու ոստիկաններ դուրս գալիս ավտոմեքենայից և ձեռքում զենք բռնած՝ ուղղվում դեպի երիտասարդը: Մի քանի կրակոցից հետո դեռահասն ընկնում է, ինչից հետո ոստիկանները լրացուցիչ կրակոցներ են արձակում: Դատախազությունն արդարացրել է ոստիկանների գործողությունը։

Ցուցարարները վանկարկել են «16 կրակոց» խոսքերը՝ այդքան անգամ է ոստիկանը կրակել երիտասարդ Լակուան Մքդոնալդի վրա:

Ցույցի ընթացքում բախումների և այլ խախտումների մասին տվյալներ չեն ստացվել: