Եղանակն՝ այսօր
Ոստիկանությունն ուժեղացված ծառայություն է իրականացնում Գյումրիում և այլ քաղաքներում
Երևանի Նորք–Մարաշում զինված խմբավորման վնասազերծումից հետո Գյումրիում ոստիկանությունն ուժեղացված ծառայություն է իրականացում՝ մասնավորապես ստուգվում են մեքենաները: Այս մասին Tert.am-ը տեղեկացավ ՀՀ ոստիկանության հասարակայնության կապերի և լրատվության վարչությունից:
Հարցին, թե մյուս քաղաքներում ևս նման ծառայություն է իրականացվում, պատասխանեցին. «ՀՀ ոստիկանությունը աշխատում է Հայաստանի Հանրապետության տարածքում»:
ՀՀ ոստիկանության հասարակայնության կապերի և լրատվության վարչությունից նաև նշեցին, որ ժամանակ առ ժամանակ ոստիկանության կողմից իրականացվում է նման ծառայություն, ինչը սովորական երևույթ է:
Ինչպես ավելի վաղ հայտնել էինք Երևանում ևս իրականացվում է ուժեղացված ծառայություն, ոստիկանները մասնավորապես կանգնեցնում են մեքենաները ստուգում մեքենայի բեռնախցիկը, ինչպես նաև ուղևորներին:
Studio One