Թուրքիայում համերգներից հրաժարվելը չի ազդի ռուս արտիստների աշխատանքի վրա

Թուրքիայում շրջագայություններից հրաժարվելը չի անդրադառնա ռուս արտիստների մեծամասնության գործունեության վրա, քանի որ նրանք գրեթե ելույթ չեն ունենում այնտեղ, նշել են պրոդյուսերական կենտրոնների տնօրենները, գրում է РИА Новости-ն:

Իգոր Մատվիենկոյի կենտրոնի գլխավոր պրոդյուսեր Անդրեյ Լուկինովը նշել է, որ արտիստներից ոմանք ելույթ են ունենում Թուրքիայում, սակայն ելույթների մեծ մասն այդ երկրի հետ ոչ մի կերպ կապված չէ:

Թուրքիա չեն մեկնում նաև հումորիստները: Comedy Club Production-ի գլխավոր պրոդյուսերի խորհրդական Ալեքսեյ Նովացկին հայտնել է, որ իրենք Թուրքիայում ի սկզբանե փառատոներ չեն ունեցել, դա իրենց շրջանը չէ: Նա հայտնել է, որ վերջերս արտիստներին առաջարկվել է ոչ մեծ փառատոն անցկացնել Թուրքիայում։

«Պետք է հանդիպում կայանար նախաձեռնողների հետ, սակայն այն բանից հետո, ինչ տեղի ունեցավ, մենք այն չեղարկեցինք»,- նշել է զրուցակիցը։

Հիշեցնենք, որ նոյեմբերի 24-ին թուրքական օդուժը կործանել էր ռուսական Սու-24 ինքնաթիռը, ինչը սրել է երկու երկրների հարաբերությունները։