Ստամբուլում հզոր պայթյուն է որոտացել. նախնական տվյալներով կա 1 զոհ և վիրավորներ (տեսանյութ, լուսանկարներ)

21:24

«Վեստի»-ն հայտնում է, որ պայթյունից հետո դադարեցվել է մետրոյի աշխատանքը:

20:48

Reuters-ը հայտնում է, որ Ստամբուլի մետրոյի պայթյունի պատճառը եղել է ռումբը: Այս տեղեկությունը հաստատել են քաղաքային իշխանությունների ներկայացուցիչները:

Hurriyet-ը հայտնում է, որ խոսքը ինքնաշեն ռումբի մասին է:

19: 55

Թուրքական ԶԼՄ-ները հայտնում են, որ Ստամբուլում ուժեղ պայթյուն է որոտացել: 

Hurriyet-ը տեղեկացնում է, որ պայթյունը տեղի է ունեցել Ստամբուլի կենտրոնի Բայրամփաշա թաղամասում: Աղբյուրը դա «առեղծվածային պայթյուն» է անվանում: 

Reuters-ը տեղեկացնում է, որ Ստամբուլի կենտրոնում ըստ երևույթին պայթյունի ուժեղ աղմուկից կանգնեցվել է մետրոյի գնացքների երթևեկը տեղի կայարանում: 

ԶԼՄ-ները լուսանկարներ են ներկայացնում դեպքի վայրից:
 

Իրանական PRESS TV-ն հայտնում է մեկ զոհի ու վիրավորների մասին:

ՏԱՍՍ-ի տվյալներով մետրոյում տեղի է ունեցել տրանսֆորմատորի պայթյուն:

Daily Mail-ի փոխանցմամբ` Ստամբուլում մի քանի պայթյուններ են եղել: Դեպքի վայր են ուղղվել հրշեջներ և շտապօգնության մեքնենաներ: