Ֆրանսիայի վարչապետը չի բացառել արտակարգ դրության ռեժիմի երկարաձգման հնարավորությունը

Ֆրանսիայի վարչապետ Մանուել Վալսը չի բացառել Ֆրանսիայում արտակարգ դրության ռեժիմի երկարաձգման հնարավորությունը, որը սահմանվել էր Փարիզում նոյեմբերի 13-ին տեղի ունեցած ահաբեկչություններից հետո, հայտնում է Europe1-ը։

Նրա խոսքով՝ առկա սպառնալիքի պայմաններում դեռ չի կարելի բացառել նման ռեժիմի երկարաձգման հնարավորությունը։

   
«Մենք գտնվում ենք արտակարգ դրության ռեժիմի մեջ, և կշարունակենք ֆրանսիացիների պաշտպանությանն ուղղված ջանքեր ներդնել»,- ասել է նա։

Երկրում արտակարգ դրության ռեժիմի սահմանումից ի վեր ոստիկանությունը մեղադրանք է առաջադրել 124 ձերբակալված անձի։

Հիշեցնենք, որ Փարիզում նոյեմբերի 13-ին մի շարք վայրերում իրականացված ահաբեկչությունների հետևանքով շուրջ 130 մարդ է զոհվել, այդ թվում՝ հայազգի Լոլա Ուզունյանը։