Եղանակն՝ այսօր
Մոսկվայի արտասահմանյան գրականության գրադարանում փակվել է Ռուս-թուրքական գիտական կենտրոնը
Ռուս-թուրքական հարաբերությունների սրման ֆոնին Մոսկվայի արտասահմանյան գրականության գրադարանում փակվել է Ռուս-թուրքական գիտական կենտրոնը։
Ինչպես տեղեկացնում է РБК-ն, կենտրոնի գործունեության դադարեցման մասին հաղորդագրությունը հրապարակվել է գրադարանի կայքում:
«Ցավոք, մենք ստիպված ենք տեղեկացնել, որ մեր կենտրոնը փակվել է։ Արտասահմանյան գրականության գրադարանում այլևս չկա Ռուս-թուրքական գիտական կենտրոն»,-ասված է հաղորդագրության մեջ:
Կենտրոնը նշել է նաև, որ դադարեցվում են օսմաներենի դասընթացները, կլոր սեղան-քննարկումները, դասախոսություններն ու կոնֆերանսները: Գիտական կենտրոնի գրադարանային ֆոնդը ևս անհասանելի է:
«Կենտրոնի փակման պատճառները մեզ հայտնի չեն, մեկնաբանությունների համար կարող եք դիմել գրադարանի տնօրինությանը: Շնորհակալ ենք նրանց, ովքեր մեզ աջակցել են այս տարիներին, մենք կարծում ենք, որ մեր ջանքերն ապարդյուն չեն եղել»,-ասված է հաղորդագրության մեջ:
Studio One