Թուրքիայում ձերբակալվել են ռուսաստանցիներ, ովքեր կասկածվում են «Իսլամական պետության» հետ կապերի համար

Թուրքիայի իշխանությունները ձերբակալել են մի խումբ ռուսաստանցիների, ովքեր կասկածվում են «Իսլամական պետություն» խմբավորման հետ ունեցած կապերի համար:

«Կոմերսանտի» փոխանցմամբ՝ ռուսաստանցիները ձերբակալվել են նախօրեին Սիրիայի հետ սահմանային Քիլիս նահանգում: Թուրքական ԶԼՄ-ները նույնի առնչությամբ հայտնում են, որ ձերբակալվածները յոթն են, նրանց թվում՝ հինգը երեխաներ:

Նշված անձինք փորձել են Թուրքիա մուտք գործել Սիրիայի տարածքից, սակայն նրանց բռնել և ուղարկել են միգրացիոն կենտրոն, որտեղից էլ նրանց կարտաքսեն: