Թուրք-սիրիական սահմանը պետք է փակել. Ջոն Քերի

Թուրք-սիրիական սահմանը պետք է ամբողջությամբ փակել։ Դա կարվի նավթի ապօրինի մատակարարումն ու զինյալների տեղաշարժը կասեցնելու նպատակով։

Ինչպես տեղեկացնում է РИА Новости գործակալությունը, այդ մասին հայտարարել է ԱՄՆ պետքարտուղար Ջոն Քերին՝ ընդգծելով, որ Թուրքիան հետաքրքրված է դրանով։

Ամերիկյան արտաքին քաղաքական գերատեսչության ղեկավարի խոսքով՝ այժմ պետք է փակել սահմանի 98 կմ-անոց հատվածը:

Քերին ընդգծել է, որ Թուրքիայի նախագահ Ռեջեփ Թայիփ Էրդողանը մտադիր է անել դա։

ԱՄՆ-ի պետքարտուղարը հավաստիացրել է, որ ամերիկացի զինծառայողները պատրաստ են թուրք գործընկերների հետ միավորել օդային, կոալիցիոն ու թուրքական ուժերի ջանքերը՝ տարածաշրջանն ավելի անվտանգ դարձնելու համար։