Եղանակն՝ այսօր
Ազատության հրապարակում հավաքված ուժն ավելի շատ քաղաքացիական շարժում է, քան քաղաքական. Գալուստ Սահակյան
Ազատության հրապարակում հավաքված ուժն ավելի շատ քաղաքացիական շարժում է, քան քաղաքական, այսօր լրագրողների հետ հանդիպմանը նման տեսակետ հայտնեց ԱԺ նախագահ Գալուստ Սահակյանը:
Պատասխանելով այն հարցին, թե արդյոք մարտի մեկի փորձը կա և դրա համար թույլ չի տրվում շուրջօրյա նստացույցի մասնակիցներին վրաններ տեղադրել, Գալուստ Սահակյանը պատասխանեց. «Մարտի 1-ին ավելի ամուր քաղաքական գործիչներ էին և գիտեին՝ որ մասում ինչպես սկսեին և ինչ արդյունքներ կամ ոչ արդյունքներ ձևավորեն»,-ասաց նա:
Իսկ ընդհանուր առմամբ, նա նորմալ է գնահատում սկսված գործընթացները: «Դրա մեջ բոլորս մաս ունեք, սովորական բան պետք է դիտել։ Մենք հասել ենք նրան, որ մարդիկ ինչպիսի արտահայտման ձև էլ ունենան, կարողանան ներկայացնել հասարակությանը»,-ասաց նա և հավելեց, թե ինչ-որ օրենքի շրջանակում է՝ շատ բնական է:
ԱԺ նախագահը, սակայն նկատեց, թե չի ընդունում «փրկություն» բառը, որը ստանձնել է «Նոր Հայաստանը»: «Դա մի տեսակ ֆանատիզմ է, բայց գնահատականից զերծ կմնամ։ Եթե բանավեճին գնամ անձի, թիմերի հետ, կարող եմ գնահատական տալ, բայց այսպիսի պահերին խորհրդարանը պետք է ամեն ինչ անի, որ կայուն պրոցես ապահովի»,-ասաց նա։
Իսկ այն, որ հայտարարում են, որ հեղափոխությունը սկսված է, Գալուստ Սահակյանը հակադարձեց. «Հայտարարեցին, որ երկիշխանություն է, բայց երկրորդ իշխանության իշխաններին այդպես էլ չտեսանք»:
Լրագրողները հիշեցրին, թե, ըստ նրա, Րաֆֆի Հովհաննիսյանն ինչու էր մտադրվել ծաղկեփունջ դնել ՀՀԿ գրասենյակի մոտ, Գալուստ Սահակյանը պատասխանեց. «Ծաղկեփունջ կարելի է դնել շատ տարբեր պարագայում. կարելի է ծննդյան առումով, կարելի է նահատակների հիշատակին դնել, իսկ ծաղկեփունջ դնելու ամենաարդյունավետ մոտեցումը, որն ավելի գնահատելի է աշխարհում, դա երկրների նախագահները, խորհրդարանի նախագահները կամ վարչապետներն են դնում, որն ավելի մեծ բովանդակություն է ստանում»:
Studio One