Ֆինլանդիայի հեռուստատեսությամբ լուրերը ներգաղթյալների համար կթողարկվեն պարզեցված ֆիններենով

Ֆինլանդիայի Yle հեռուստառադիոհեռարձակող ընկերությունը հայտարարել է հեռուստատեսային լուրերը պարզեցված ֆիններով թողարկելու  մասին:

Հեռուստաընկերության կայքում հաղորդվում է, որ տվյալ ձևաչափով լուրերի առաջին թողարկումը  եթեր դուրս կգա դեկտեմբերի 7-ին:

Ինչպես նշվում է` մինչ այս լուրերը պարզեցված ֆիններենով  հեռարձակվում էին ռադիոյով և համացանցում: Նմանօրինակ լուրերի թողարկում ընկերությունն սկսել է 1992 թվականից:

Ավելի վաղ հաղորդվում էր նաև, որ Ֆինլանդիայում բնակիչներին կոչ են անում պարզեցված ֆիններենով խոսել ներգաղթյալների պատճառով: