Մամեդյարովը Բելգրադում հանդիպել է ԵԱՀԿ Մինսկի խմբի համանախագահների հետ

Ադրբեջանի արտգործնախարար էլմար Մամեդյարովը Բելգրադում անցկացվող ԵԱՀԿ արտգործնախարարների նիստի շրջանակներում երեկ հանդիպել է Մինսկի խմբի համանախագահներ Իգոր Պոպովի (Ռուսաստան),  Պիեռ Անդրիոյի (Ֆրանսիա), Ջեյմս Ուորլիքի (ԱՄՆ) և ԵԱՀԿ գործող նախագահի անձնական ներկայացուցիչ Անջեյ Կասպշիկի հետ:

Ինչպես հայտնում է ԱՊԱ գործակալությունը, հանդիպման ընթացքում կարծիքներ են փոխանակվել բանակցային գործընթացի ներկայիս վիճակի, ղարաբաղա-ադրբեջանական հակամարտության կարգավորման հարցում Մինսկի խմբի համանախագահների միջնորդության, խմբի գործունեության առաջիկա ծրագրերի, Հայաստանի ու Ադրբեջանի նախագահների հանդիպումը կազմակերպելու վերաբերյալ։

Էլմար Մամեդյարովը նշել է ԵԱՀԿ Մինսկի խմբի համանախագահների ջանքերն ավելացնելու կարևորությունը: