Կալիֆոռնիայի հրաձգության կասկածյալների տանը 12 ինքնաշեն ռումբ է հայտնաբերվել

Ամերիկյան ոստիկանությունը 12  ինքնաշեն ռումբ է հայտնաբերել Կալիֆոռնիայի Սան Բերնարդինո քաղաքում  գտնվող սահմանափակ հնարավորություններով մարդկանց կենտրոնում  հրաձգության  կազմակերպման  գործով կասկածյալների տանը:

Ինչպես հաղորդում է Gazeta.ru-ն` հղում անելով  The Washington Post-ին, 12 ինքնաշեն պայթուցիկները պատրաստվել են խողովակների հիման վրա: Հայտնաբերվել են նաև պայթուցիկի պատրաստման համար անհրաժեշտ այլ նյութեր և մի քանի հազար փամփուշտ:

Ավելի վաղ հաղորդվում էր, որ Կալիֆոռնիայի հրաձգության կասկածյալը կարող է կապ ունենալ արմատական իսլամիստների հետ:

Վերջին տվյալների համաձայն` 14 մարդ զոհվել է, 17-ը՝ վիրավորվել: