Գերմանացի դերասան Թիլ Շվայգերը փախստականների ճակատագրի մասին ֆիլմ կնկարահանի

Գերմանացի հայտնի դերասան Թիլ Շվայգերը մտադիր է ֆիլմ նկարահանել փախստականների ճակատագրի մասին, հայտնում է РИА Новости-ն` հղում անելով Welt թերթին:

«Մենք պատրաստվում ենք զարգացնել փախստականների թեման»,- պատմել է Շվայգերը:

Դերասանի խոսքով` այդ ֆիլմը պետք է լինի ժամանցային, այլ ոչ թե բարոյախրատական, քանի որ այն կհասնի միայն այն մարդկանց, ում արդեն պետք չէ համոզել:

Նախագծի համար օրինակ է դարձել Դիթեր Հալերվորդենի մասնակցությամբ «Մեղրը գլխում» ֆիլմը, որի հերոսը տառապում է ծանր հիվանդությունից:

«Այդ ֆիլմը վերցնում է հանդիսատեսի ձեռքը և բացահայտում է այդ հիվանդության հանգամանքները: Այդկերպ պետք է լինի նաև փախստականների մասին ֆիլմը»,- նշել է Շվայգերը։

Ֆիլմի հետ կապված այլ մանրամասներ դերասանը դեռևս չի հայտնել: