Ալլա Պուգաչովան ու Մաքսիմ Գալկինը ցույց են տվել իրենց երեխաներին (լուսանկարներ)

Ռուսական շոու բիզնեսի ամենաշատ քննարկված զույգերից մեկը` երգչուհի Ալլա Պուգաչովան ու հումորիստ Մաքսիմ Գալկինը, ցուցադրել են իրենց զույգ երեխաներին` 2-ամյա Գարիին և Լիզային:

Ինչպես նշում է elle.ru-ն, փոքրիկներն իրենց ծնողների ուղեկցությամբ մասնակցել են մեկ այլ աստղային փոքրիկի` երգիչ Ֆիլիպ Կիրկորովի դստեր` Ալլա Վիկտորիայի ծննդյան ճոխ արարողությանը:

Աղբյուրը մանրամասնում է, որ փոքրիկ Գարիի և Լիզայի լուսանկարները Instagram-ի իր էջում տեղադրել է Կիրկորովը` նախկին կնոջ` Պուգաչովայի համաձայնությունը ստանալուց հետո։

Հայտնի է, որ Կիրկորովի դստեր ծննդյան տոնին, բացի նրանցից, ներկա են եղել նաև Կրիստինա Օրբակայտեն, Նիկոլայ Բասկովը, Ժասմինը, Անի Լորակն ու ռուսական շոու բիզնեսի այլ աստղեր: