Կիմ Չեն Ընը կողմ է արտահայտվել ֆինանսական համակարգում ծայրահեղ միջոցներ ձեռնարկելուն

Կորեայի Ժողովրդադեմոկրատական Հանրապետության առաջնորդը Փհենյանում կորեացի ֆինանսիստների երրորդ համաժողովի մասնակիցներին ուղղված ուղերձում հայտարարել է, թե բարգավաճող պետություն ստեղծելու համար անհրաժեշտ են ծայրահեղ միջոցներ ֆինանսական համակարգում, տեղեկացնում է gazeta.ru-ն:

«Հուսալի ֆինանսական աղբյուրներն անհրաժեշտ են ազգային դրախտ ստեղծելու համար՝ ազգային հզորությունն ավելացնելու և մեծ բարգավաճման հասնելու ճանապարհով»,-ասել է նա:

Հյուսիսային Կորեայի փոխվարչապետ Ռո Դու Չհոլն ընդգծել է, որ բոլոր հաջողությունները ֆինանսական ոլորտում «ձեռք են բերվել Կիմ Իր Սենի, Կիմ Չեն Իրի և Կիմ Չեն Ընի շնորհիվ»։