Եղանակն՝ այսօր
Ադրբեջանը քննարկում է Սաուդյան Արաբիայի ստեղծած իսլամական նոր դաշինքին միանալու հարցը
Ադրբեջանի արտգործնախարար Էլմար Մամեդյարովն «Ահաբեկչության դեմ իսլամական կոալիցիային» երկրի միանալու հարցով հեռախոսազրույց է ունեցել Սաուդյան Արաբիայի արտգործնախարար Ադել ալ-Ջուբեյրի հետ։
Ինչպես տեղեկացնում է ԱՊԱ գործակալությունը, այդ մասին հայտնել է Ադրբեջանի ԱԳՆ-ի մամուլի ծառայության ղեկավար Հիքմեթ Հաջիևը։
Նա հավելել է, որ Ադրբեջանի օրենքներին համապատասխան՝ երկրի մասնակցությունը ցանկացած կառույցի պետք է քննարկվի ներպետական գործընթացների պահանջների դիրքերից։
«Այս պահին այդ հարցը քննարկվում է։ Ադրբեջանը դատապարտում է ահաբեկչության ցանկացած դրսևորում», -ասել է նա։
Հիշեցնենք, որ ավելի վաղ հայտնի էր դարձել Սաուդյան Արաբիայի կողմից ահաբեկչության դեմ պայքարի շրջանակում իսլամական նոր դաշինքի ստեղծման մասին։ Դաշինքում ներառված է 34 երկիր։
Դաշինքի միացյալ օպերատիվ կենտրոնը գտնվելու է Սաուդյան Արաբիայի մայրաքաղաք Էր Ռիյադում: Հայտնի է, որ դաշինքում ներառված են Թուրքիան, Հորդանանը, Պակիստանը, Եգիպտոսը, Քաթարն ու այլ պետություններ:
Studio One