Բելգորոդում պայթուցիկ պահող իմամ է ձերբակալվել

Բելգորոդում Ռուսաստանի դաշնային անվտանգության ծառայությունը ձերբակալել է տեղի մզկիթներից մեկի իմամին, հայտնում է Lenta.ru-ն։

LifeNews հեռուստաալիքի տվյալներով՝ Իսմայիլով ազգանունով հոգևորականի տանը հայտնաբերվել է ավելի քան 700 գրամ տրոտիլ, Ֆ-1 տիպի նռնակ, ՏՏ մակնիշի ատրճանակ, այլ զինամթերք։

Իրավապահ մարմինների աղբյուրը պարզաբանել է, որ այժմ 34-ամյա իմամը գտնվում է մեկուսարանում։

«Խափանման միջոցը դեռ չի ընտրվել, սակայն երկարաձգվել է նրան մեկուսարանում պահելու ժամկետը»,-ասել է աղբյուրը։