Տնտեսագետը վստահ է, որ ԱՄՆ–ում վերաֆինասավորման տոկոսադրույքը բարձրացնելուց հետո այն կարժևորվի

Տնտեսագիտության թեկնածու Վիլեն Խաչատրյանը վստահ է, որ ամերիկյան դոլարի  0.25 տոկոսով ֆինանսավորման տոկոսադրույքը ԱՄՆ դաշնային պահուստային ֆոնդի կողմից բարձրացնելուց հետո դոլարի փոխարժեքը կբարձրանա ողջ աշխարհում: Tert.am-ի հետ զրույցում ասաց. «Կբարձրանա:  Հայաստանում միանշանակ կլինի 500 և ավելի: Դա չի լինի միանգամից, որովհետև ուզում են դանդաղ անել, որ դրա ազդեցությունը միանգամից այդքան ծանր չզգացվի»:

Հիշեցնենք, որ Վիլեն Խաչատրյանը դոլարի առաջիկա փոխարժեքի մասին կանխատեսումներ խոստացել էր անել դեկտեմբերի 17-ից հետո, երբ արդեն պարզ կլիներ` ԱՄՆ դաշնային պահուստային ֆոնդը բարձրացնու՞մ է տոկոսադրույքը, թե՞ ոչ:
 

Վիլեն Խաչատրյանը, հիշեցնելով, որ տոկոսադրույքը 9 տարի չէր բարձրացել( չէր ավելացել ֆինանսավորման տոկոսադրույքը), նկատեց, որ ակնհայտ էր, որ այդ քաղաքականությունը պետք է մի օր փոխվեր. «Չի կարելի է այդքան փափուկ քաղաքականություն վարել, մի հատ էլ կոշտ քաղաքականություն պետք է լինի»:

Հիշեցնենք, որ  2016 թ. պետական բյուջեով` մեկ ամերիկյան դոլարը հաշվարկված է 487 ՀՀ դրամ փոխարժեքով: Սա նշանակու՞մ է արդյոք, որ «Գազպրոմ Արմենիան» կդիմի Հանրային ծառայությունները կարգավորող հանձնաժողով` սակագնի վերանայման հայտով:

Հիշեցնենք, որ 2014 թ. նոյեմբեր-դեկտեմբերի փոխարժեքային տատանումներից հետո «Գազպրոմ Արմենիայի» ներկայացուցիչները պարբերաբար հայտարարում էին, որ դոլարի նման  փոխարժեքի պահպանման դեպքում կդիմեն Ռոբերտ Նազարյանի հանձնաժողով:

Ամեն դեպքում, Վիլեն խաչատրյանը չբացառելով նման հնարավորություն` նշեց, որ դա հիմա ու շատ արագ չի լինի: