Նշվել է Արմեն Տիգրանյանի անվան երաժշտական դպրոցի հիմնադրման 65-ամյակը

Արմեն Տիգրանյանի անվան երաժշտական դպրոցում հանդիսավորությամբ նշվել է դպրոցի հիմնադրման 65-ամյակը, տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը։ Երաժշտական ծրագրի ընթացքում սաները ներկայացել են իրենց լավագույն կատարումներով: Ի դեպ, ընդամենը 56 աշակերտով և 5 ուսուցիչով իր գործունեությունը սկսած դպրոցում այսօր սովորում է ավելի քան 900 երեխա, որոնք հանրապետական ու միջազգային բազմաթիվ մրցույթների մրցանակակիրներ են:
 

Երաժշտական դպրոցի հիմնադրման 65-ամյակին նվիրված միջոցառմանը ներկա է գտնվել նաև քաղաքապետի տեղակալ Արամ Սուքիասյանը, ով շնորհավորելով դպրոցի անձնակազմին՝ շնորհակալություն է հայտնել հայկական մշակույթի պահպանման ու տարածման, ինչպես նաև  համաշխարհային դասական արժեքներին ծանոթացնելու գործում ներդրած ջանքերի համար:

Միջոցառման շրջանակում դպրոցի մի շարք ուսուցիչներ երկարամյա գործունեության և երեխաների գեղագիտական դաստիարակության գործում ներդրած ջանքերի համար պարգևատրվել են մեդալներով, պատվոգրերով ու շնորհակալագրերով: Պարգևներ են հանձնվել նաև մշակույթի նախարարության և վարչական շրջանի կողմից: