Եղանակն՝ այսօր
Գերմանացի նախարարն առաջարկել է Հիտլերի գրքի մեկնաբանված հրատարակությունը ներառել դպրոցական ծրագրում
Գերմանիայի կրթության և գիտական հետազոտությունների նախարար Յոհաննա Վանկան առաջարկել է Ադոլֆ Հիտլերի Mein Kampf հայտնի գրքի մեկնաբանված հրատարակությունը ներառել դպրոցական ծրագրում, փոխանցում է ՏԱՍՍ գործակալությունը:
«Մյունխենի ժամանակակից պատմության ինստիտուտի քննադատական հրատարակությունը հենց այդպիսի նպատակ ունի` ներդրում ունենալ քաղաքական կրթության մեջ։ Այն գրված է համապատասխան կերպ և հասկանալի է բոլորին»,- նշել է նախարարը:
Նա ողջունել է այն, որ ապագայում կհայտնվի գիտական աշխատանք, որում Հիտլերի խոսքերը չեն մնա անվիճելի:
«Դպրոցականները վաղ թե ուշ հարցեր են ունենալու և, ճիշտ է, որ նրանք կարողանան գտնել դրանց պատասխանները դասերի ընթացքում»,- ասել է Վանկան:
Նշվում է, որ գիտական մեկնաբանություններով գիրքը լույս կտեսնի 2016թ. սկզբին:
Studio One