Ուժգին երկրաշարժ Հնդկաստանում. կան զոհեր և վիրավորներ

Հնդկաստանում տեղի ունեցած երկրաշարժի զոհերի թիվը հասել է 6-ի, ավելի քան 100 մարդ վիրավորվել է. տեղեկացնում է ТАСС-ը:

Երկրի վարչապետ Նարենդրա Մոդին հանձնարարել է տուժած շրջաններ ուղարկել աղետի հետևանքները վերացնելու օպերատիվ ստորաբաժանումներ:

Երկրաշարժը գրանցվել է տեղի ժամանակով 04:40-ին: Դրա հիպոկենտրոնը գտնվել է 10 կմ խորությամբ, իսկ էպիկենտրոնը Մանիպուր նահանգում է ՝ Մյանմայի սահմանից ոչ հեռու:

Ստորգետնյա ցնցումները զգացվել են Հնդկաստանի հյուսիս-արևելյան և արևելյան գրեթե բոլոր նահանգներում:

Եվրոպական-միջերկրածովյան սեյսմոլոգիական կենտրոնի տվյալներով՝ երկրաշարժի ուժգնությունը կազմել է 6.9 մագնիտուդ:

Ոչ մեծ վնաս է հասցվել Մանիպուրի վարչական կենտրոնին: Վնասվել են էլեկտրամատակարարման գծերը, հեռախոսակապը, ավերվել են մի քանի տասնյակ տներ: