Ուկրաինական ԱԹՍ-ները հարվшծներ են հասցրել Նիժնեկամսկին և Տագանրոգին. ASTRA

Այս գիշեր ուկրաինական անօդաչու թռչող սարքերը թիրախավորել են «Նիժնեկամսկնեֆտեխիմ» գործարանը Ռուսաստանի Թաթարստան հանրապետության Նիժնեկամսկ քաղաքում: Ուկրաինական մոնիթորինգային տելեգրամյան ալիքների համապատասխան հաղորդումները հաստատել է ASTRA հրատարակության վերլուծությունը:

Ինչպես նշում է Current Time նախագիծը, «Նիժնեկամսկնեֆտեխիմ»-ը Եվրոպայում խոշորագույն նավթային համալիրներից է, որը սինթետիկ կաուչուկ է արտադրում:

Ռոստովի մարզի Տագանրոգ քաղաքում ուկրաինացիների հարվածներից երկու էլեկտրական ենթակայան է վնասվել: Մարզի նահանգապետ Յուրի Սլյուսարը հաղորդել է, որ հարձակման հետևանքով զոհվել է «Տագանրոգ-10» ենթակայանի գլխավոր ինժեները, ևս հինգ մարդ տուժել է «անօդաչուների բեկորների» ընկնելու հետևանքով:

Հարված է հասցվել նաև Դոնի Ռոստովը և Տագանրոգը բռնակցված Ղրիմին կապող Р-280 «Նովոռոսիա» ավտոմայրուղու մի հատվածին, ինչի հետևանքով Նեկլինովսկի շրջանում կամուրջ է փակվել երթևեկության համար:

Ռուսաստանի պաշտպանության նախարարությունը հաղորդել է գիշերը 553 ուկրաինական անօդաչու թռչող սարք խոցելու մասին, ինչը զգալիորեն շատ է վերջին շրջանում միջին թվից: