Բրյուսելում հայտնաբերել են Փարիզի ահաբեկչությունների գործով գլխավոր կասկածյալի մատնահետքերը

Քննիչները Բրյուսելի բնակարաններից մեկը խուզարկելու ժամանակ հայտնաբերել են Փարիզի ահաբեկչությունների գործով հետախուզման մեջ գտնվող կասկածյալ Սալահ Աբդեսլամի մատնահետքերը, հաղորդում է gazeta.ru-ն:

Խուզարկության ընթացքում հայտնաբերվել են պայթուցիկ նյութերի հետքեր և ձեռքով կարված 3 գոտի, որոնք, ոստիկանության տվյալներով, կարող էին օգտագործվել պայթուցիկ նյութերի տեղափոխության համար:

Ավելի վաղ հայտնի է դարձել, որ Բրյուսելում Փարիզի ահաբեկչությունների գործով խուզարկությունների ընթացքում մեկ մարդ է ձերբակալվել:

Փարիզում ահաբեկչությունների գործով գլխավոր կասկածյալ Սալահ Աբդեսլամը մինչև հիմա չի հայտնաբերվել։

Նոյեմբերի 13-ին Փարիզում ահաբեկչական հարձակումների շարք էր տեղի ունեցել: Վերջին տվյալներով՝ ավելի քան 130 մարդ է մահացել։