Կարակասի քաղաքապետը հրահանգել է Չավեսի նկարները փակցնել բոլոր փողոցներում, սյուներին ու դարպասներին

Կարակասի քաղաքապետ Խորխե Ռոդրիգեսը հրահանգել է Վենեսուելայի նախկին նախագահ Ուգո Չավեսի և երկրի ազգային հերոս Սիմոն Բոլիվարի նկարները փակցնել «բոլոր փողոցներում, սյուներին ու դարպասներին», տեղեկացնում է Lenta.ru-ն:

Քաղաքապետը հանձնարարությունը տվել է ի պատասխան այդ գործիչների լուսանկարները երկրի խորհրդարանի շենքին փակցնելու արգելքի:

Նա ընդգծել է, որ «Չավեսի ու Բոլիվարի անունները սրբացված են» վենեսուելացիների համար, և ոչ ոք չի կարող ատելություն տարածել նրանց դեմ:

Հունվարից մեկնարկել են վենեսուելական նոր խորհրդարանի աշխատանքները, իսկ իշխող կուսակցությունն ընտրություններում պարտություն էր կրել։