Սլովակիան հրաժարվում է ընդունել մուսուլման փախստականներին

Սլովակիայի կառավարությունն արձագանքել է Ամանորի գիշերը գերմանական Քյոլն և այլ քաղաքներում տեղի ունեցած զանգվածային հարձակումներին և սեռական ոտնձգություններին, գրում է Deutsche Welle-ն:

«Մենք չենք ցանկանում, որ Սլովակիայում տեղի ունենա այն, ինչ կատարվեց Գերմանիայում»,- հայտարարել է վարչապետ Ռոբերտ Ֆիցոն:
 

Նրա խոսքով` Բրատիսլավան այժմ մտադիր է ոչ միայն շարունակել վիճարկել ԵՄ-ի պարտադիր քվոտաները փախստականների ընդունման վերաբերյալ, այլև կխոչընդոտի երկրում մուսուլմանական փակ համայնքի ստեղծմանը:

Լեհաստանում նույնպես հնչում են նման մտադրություններ։ Երկրի փոխվարչապետ Պետր Գլինսկին հայտարարել է, որ Վարշավայում շատ ուշադիր կուսումնասիրեն ապաստան տրամադրելու վերաբերյալ միջնորդությունները։