Սթիվեն Սիգալը Սերբիայի քաղաքացիություն է ստացել

Սերբիայի վարչապետ Ալեքսանդր Վուչիչի հրամանով ամերիկացի դերասան Սթիվեն Սիգալին սերբական քաղաքացիություն է տրվել, հաղորդում է gazeta.ru-ն։

Սիգալը հայտարարել է, որ բոլոր ջանքերը կգործադրի երկրի դրական կերպարի առաջխաղացման նպատակով։

Նշվում է նաև, որ Սիգալն ունի Սերբիայում կինոյի ասոցիացիայի կազմակերպման պլաններ՝ արտասահմանյան ներդրումների գրավման նպատակով։

Ավելի վաղ հայտնի է դարձել, որ Սերբիայի վարչապետն առաջարկել է Սթիվեն Սիգալին այկիդո սովորեցնել սերբական ոստիկանությանը։