Պորտուգալիայում սկսվել են Դեպարդիեի մասնակցությամբ «Ստալինի բազմոցը» ֆիլմի նկարահանումները

Պորտուգալիայում սկսվել են «Ստալինի բազմոցը»  ֆրանսիական ֆիլմի նկարահանումները` Ժերար Դեպարդիեի գլխավոր դերակատարմամբ:

Ինչպես հաղորդում է РИА Новости-ն` այս մասին տեղեկացրել են «Մոսֆիլմից»:  Կինոստուդիայից հայտնել են, որ  Մոսկվայից կոստյումներ և անհրաժեշտ բեմական պարագաներ են ուղարկել նկարահանող խմբին` Ֆանի Արդանի ղեկավարությամբ: Դրանց թվում են ժամանակի զինվորական համազգեստն ու աքսեսուարները:

Նշվում է, որ նկարահանումներն սկսվել են հունվարի սկզբին: Le divan de Staline  կոչվող ֆիլմում Դեպարդիեն մարմնավորելու է Իոսիֆ Ստալինին։ 

Ֆիլմը նկարահանվում է 2013-ին ֆրանսիացի գրող Ժան Դանիել Բալտասի հեղինակած գրքի հիման վրա:  Նկարահանումներով զբաղվում է ֆրանս-պորտուգալական Leopardo Filmes ընկերությունը: