Eagles of Death Metal-ը Փարիզում ահաբեկչությունից հետո առաջին անգամ մենահամերգով է հանդես եկել

Ամերիկյան Eagles of Death Metal ռոք խումբը հանդես է եկել Փարիզում «Բատակլան» թատրոնում հարձակումից փրկվածների առաջ, գրում է BBC-ի ռուսական ծառայությունը:

Նոյեմբերին Փարիզում տեղի ունեցած հարձակման հետևանքով մահացել է խմբի 90 երկրպագու, ովքեր եկել էին նրանց համերգին:

«Այսօր մենք լավ ժամանակ ենք անցկացնում: Եվ ոչ մեկ մեզ չի կանգնեցնի»,- հայտարարել է խմբի առաջատար Ջեսի Հյուզը: Խումբն առաջին անգամ է մենահամերգ տվել Փարիզում նոյեմբերի հարձակումներից հետո: Դեկտեմբերին խումբն արդեն հանդես է եկել Փարիզում U2-ի հետ համատեղ համերգում:

Նոյեմբերի 13-ին Փարիզում հարձակումների և պայթյունների շարք է տեղի ունեցել, ինչի հետևանքով մահացել է 132 մարդ, ավելի քան 300-ը վիրավորվել է:

Ամենաշատը մարդիկ մահացել են հենց Eagles of Death Metal-ի համերգին:

Հարձակման պատասխանատվությունը ստանձնել է «Իսլամական պետություն» խմբավորումը: