Եղանակն՝ այսօր
Ոտքից գլուխ ծածկված հարս ու հարյուրավոր սևազգեստ տղամարդիկ. ինչպես է անցնում ուղղափառ հրեաների հարսանեկան արարողությունը (լուսանկարներ)
Ուղղափառ հրեաները վարում են շատ փակ ու ավանդապաշտ կյանք` բոլոր ասպարեզներում հավատարիմ մնալով խիստ պահպանողականությանը: Այս առումով բացառություն չէ նաև հարսանեկան արարողությունը, որի ընթացակարգն այլ ազգերի համար կարող է բավական տարօրինակ թվալ:
The Daily Mail պարբերականն ուշագրավ ֆոտոշարքով ներկայացրել է Իսրայելի Նեթանյա քաղաքում կայացած տպավորիչ հարսանեկան արարողությունը, որի շրջանակում ուղղափառ հրեաների ամենաազդեցիկ տոհմերից երկուսի ներկայացուցիչներն ամուսիններ են դարձել:
Հետաքրքրական է, որ պսակադրության արարողության ընթացքում հարսը ոտքից գլուխ ծածկված է եղել: Ճանապարհով ճիշտ քայլելու ու չընկնելու համար հարսի ձեռքը տվել են երկար թել, որի օգնությամբ նա հասել է «նշանակության վայրը»:
Նշվում է նաև, որ պսակադրության արարողությանը ներկա են եղել հիմնականում ավանդական հագուկապով սևազգեստ տղամարդիկ, որոնց թիվը գերազանցել է հազարը:
Studio One