Պորտուգալիայում ռազմատրանսպորտային ինքնաթիռ է կործանվել. 3 մարդ զոհվել է
Պորտուգալական Մոնտիժու ռազմաբազայում (Լիսաբոնի շրջան) թռիչք իրականացնելիս կործանվել է Hercules C-130 ռազմատրանսպորտային ինքնաթիռը: Այս մասին հայտնում է РИА Новости-ն` վկայակոչելով պորտուգալական աղբյուրները:
Պորտուգալական Lusa գործակալության տվյալներով՝ ինքնաթիռի կործանման հետևանքով 3 մարդ զոհվել է, ևս 4-ը` վիրավորվել: Օդանավում 7 մարդ է գտնվելիս եղել: Ինչպես հայտնել են բժշկական պատահարների ազգային ինստիտուտի աղբյուրները, ինքնաթիռը բռնկվել է թռիչքի պատրաստվելիս:
Դեպքի վայր են ժամանել շտապ օգնության մոտորանավակը և հրշեջ ծառայությունները: Արտակարգ իրավիճակի պատճառները պարզվում են:










