Եթովպիան արգելափակել է սոցցանցերը՝ դրանք ուսանողների համար շեղող հանգամանք համարելով

17:30 • 13.07.16

Քննական հարցերի առցանց հրապարակումից հետո Եթովպիայի համալսարաններում ընդունելության քննությունները չեղարկվել են, ինչից հետո երկրի կառավարությունն արգելափակել է Facebook, Twitter, Instagram սոցցանցերը և Viber հավելվածը։ Այս մասին հաղորդում է Quartz-ը։

 

Եթովպիայի կառավարության խոսնակը հայտարարել է, որ ձեռնարկված միջոցները ժամանակավոր բնույթ են կրում։

 

«Պարզ է դարձել, որ սոցիալական ցանցերն ուսանողներին շատ են շեղում։ Մենք անում ենք ամեն ինչ, որպեսզի նրանց աջակցենք, իսկ արգելափակումն, իհարկե, ժամանակավոր է»,- մանրամասնել է նա։