Ռուսաստանն Իրանին 2,5 մլրդ եվրոյի վարկ կտրամադրի

15:15 • 13.07.16

Ռուսաստանի կառավարությունը հաստատել է Իրանին 2,5 միլիարդ եվրոյի չափով արտահանման վարկի հատկացումը: Այդ մասին կառավարության նիստից հետո հայտնել է Ռուսաստանի բնական ռեսուրսների նախարար Սերգեյ Դոնսկոյը, հայտնում է gazeta.ru-ն:

 

«Հաստատել են»,-իրեն ուղղված հարցին կարճ պատասխանել է նախարարը:

 

Գումարը կհատկացվի Իրանում երկաթգծերի էլեկտրաֆիկացման հարցերով ծրագրին, որին մասնակցելու է նաև «Ռուսական երկաթուղիներ» պետական ընկերությունը: Երկրորդ ծրագիրը ռուսական ընկերությունների կողմից ՋԷԿ-երի կառուցումն է:

 

Կառավարության նիստի ընթացքում Ռուսաստանի վարչապետ Դմիտրի Մեդվեդևը նշել է, որ արտահանման վարկերն արդյունավետ գործիք են՝ ուղղված արտասահմանյան շուկաներում ռուսական ընկերությունների շահերի առաջմղմանը: