Ճապոնիայի կայսրը պատրաստվում է հրաժարվել գահից

14:46 • 13.07.16

Ճապոնիայի կայսր 82-ամյա Ակիհիտոն կարող է կյանքի օրոք հրաժարվել գահից իր որդու՝ Նարուհիտոյի օգտին: Այդ մասին հայտնել է ճապոնական NHK հանրային հեռուստատեսությունը:

 

Այդ տեղեկությունը հեռուստաալիքը ստացել է Ճապոնիայի կայսերական պալատից՝ անմիջապես մի քանի աղբյուրներից:

 

Ակիհիտոն ծնվել է 1933 թվականի դեկտեմբերի 23-ին:

 

Վերջին տարիներին առողջական վիճակի վատթարացման պատճառով Ակիհիտոն ստիպված է եղել հրաժարվել իր մի շարք հանրային պարտավորությունների կատարումից և դրանք փոխանցել է ավագ որդուն՝ թագաժառանգ արքայազն Նարուհիտոյին: