Լոնդոնում մետրոյի կայարանում մարդկանց են տարհանել

13:07 • 25.07.16

Լոնդոնում Goldens Green մետրոյի կայարանում տարհանում է իրականացվում տագնապի ազդանշանի պատճառով: Այդ մասին հայտնում է Reuters գործակալությունը:

 

Գործակալության տվյալներով՝ մետրոյի կայարանը փակվել է, ոստիկանությունն ուսումնասիրում է կայարանի կողքը կայանած ավտոմեքենան:

 

Ինչպես հայտնում է Evening Standard-ը, ոստիկանությունը փակել է կայարանին հարող ճանապարհները:

 

Կայարանի մոտ թողած ավտոմեքենայի մասին հաղորդագրությունը ոստիկանությունը ստացել է տեղի ժամանակով 8:00-ին: Ոստիկանները փորձում են տեղեկություններ պարզել ավտոմեքենայի սեփականատիրոջ մասին: