Ճապոնական գիշերօթիկում տեղի ունեցած սպանդի հետևանքով զոհերի թիվը հասել է 19-ի

04:21 • 26.07.16

Ճապոնաիայում ևս 4 մարդ է մահացած ճանաչվել հաշմանդամների գիշերօթիկում տեղի ունեցած հարձակումից հետո: Այդպիսով զոհերի թիվը հասնում է 19-ի, հաղորդում է Կիոդո գործակալությունը:

Ավելի վաղ հաղորդվում էր, որ 15 մարդ մահացել է, իսկ 4-ը անգիտակից վիճակում է գտնվում:

Կանագավա պրեֆեկտուրայում տեղի ունեցած հարձակումն իրականացրել է 26-ամյա Սատոսի Ուեմացուն՝ գիշերօթիկի նախկին աշխատակիցը: Դեպքից կես ժամ անց տղամարդը ժամանել է ոստիկանական բաժանմունք և հայտարարել, որ դա ինքն է արել: Նրա մոտ մի քանի դանակներով պայուսակ է եղել:

Ոստիկանության տվյալներով ևս 20 մարդ ծանր վիրավոր է: