Ադրբեջանական գործարանում պայթյունի հետևանքով զոհվել է 2, վիրավորվել 24 մարդ

09:56 • 27.07.16

Ադրբեջանական Շիրվան քաղաքում «Արազ» ռազմական գործարանում տեղի ունեցած պայթյունից հետևանքով երկու մարդ է մահացել:

 

Ինչպես տեղեկացնում է BBC-ի ռուսական ծառայությունը, այդ մասին հայտնել է երկրի պաշտպանական արդյունաբերության նախարարությունը։

 

Գերատեսչության տեղեկություններով՝ դեպքի հետևանքով մահացել են գործարանի երկու աշխատակիցներ՝ Ագամիր Մամեդովը և Իլհամա Նուրիևան:

 

Զինամթերքի արտադրմամբ զբաղվող գործարանում հզոր պայթյունը տեղի է ունեցել երեքշաբթի օրը տեղի ժամանակով 15:35-ին:

 

Վերջին տվյալներով՝ վիրավորվել է 24 մարդ: Ինչպես հայտնում է Ադրբեջանի առողջապահության նախարարությունը, քաղաքի հիվանդանոցում այժմ գտնվում է տասը մարդ, նրանցից երեքի վիճակը գնահատվում է միջին ծանրոթյան: