Բրազիլիայի երկնքում 2 կործանիչ իրար են բախվել

08:47 • 27.07.16

Լուսանկարը՝ Reuters-ի

Բրազիլիայի ռազմածովային ուժերին պատկանող 2 կործանիչ իրար են բախվել Օլիմպական խաղերի ժամանակ անվտանգության ապահովման նպատակով իրականցված փորձնական թռիչքի ընթացքում:

 

Ինչպես հայտնում է ria.ru-ն, միջադեպը տեղի է ունեցել Ռիո դե Ժանեյրո քաղաքից ոչ հեռու: Նշվում է, որ երկնքում բախվելուց հետո ինքնաթիռներից մեկն ընկել է ծովը` քաղաքից 20 կմ հեռու, իսկ օդաչուին հաջողվել է փրկվել ինքնանետման միջոցով:

 

Ինչ վերաբերում է 2-րդ կործանիչին, ապա այն կարողացել է բարեհաջող վայրէջք կատարել` չնայած, որ  լրջորեն վնասված է եղել:

Այժմ պարզվում են միջադեպի մանրամասները: