Չինացիներն ու զբոսաշրջիկները աղյուս առ աղյուս քանդում են Չինական մեծ պատը
Չինաստանի իշխանությունները հայտնել են, որ պատրաստվում են խստացնել աշխարհի կարևորագույն պատմական հուշարձաններից մեկի՝ Չինական մեծ պատի հանդեպ հսկողությունը՝ թույլ չտալով մարդկանց գողանալ դրա աղյուսները:
Ինչպես նշում է The Guardian-ը, Պատի հարակից բնակավայրերում ապրող մարդիկ քանդում են պատն ու դրա քարերը գողանում իրենց՝ համար տուն կառուցելու նպատակով: Տեղացիներին չեն զիջում նաև զբոսաշրջիկները, ովքեր քարերն իրենց հետո որպես հուշանվեր են տանում:
Այս ամենի հետևանքով ՅՈՒՆԵՍԿՕ-ի պատմամշակութային հուշարձանների համաշխարհային ժառանգության ցանկում ներառված նմուշն աստիճանաբար փլուզվում է:
Իշխանությունների փոխանցմամբ, այժմ իրենք մշտական հսկողություն են իրականացնելու Պատի 21,000 կիլոմետրանոց երկայնքով, որպեսզի կանխեն քարերի գողությունը:
Աղբյուրը նկատում է, որ Չինական մեծ պատի քայքայմանը մարդկային գործոնից զատ նպաստում են նաև անպարենպաստ եղանակային պայմանները, որոնք էրոզիայի են ենթարկում պատի տարբեր հատվածները:
Հայտնի է, որ ներկայում լավ պահպանված է համարվում միայն Պատի 10% տոկոսը:










