Գերմանիայում Pokemon Go խաղի պատճառով դանակահարություն է տեղի ունեցել
Գերմանիայում երեք տղամարդ դանակի հարվածից վիրավորումներ են ստացել վերջերս ներկայացված ու ամբողջ աշխարհում իսկական մոլուցքի վերածված Pokemon Go խաղի պատճառով ծագագ վեճի ընթացքում:
Ինչպես նշում է Euromag-ը, դանակահարաությունը տեղի է ունեցել, երբ վիրտուալ էակների՝ պոկեմոնների որսորդները բախվել են իրար: Սկզբում խաղացողներն ուղղակի հրմշտել են իրար, իսկ հետո նրանցից մեկը դանակ է հանել:
Ներկայում բոլոր տուժածները հոսպիտալացված են, նրանց կյանքին վտանգ չի սպառնում:
Pokemon Go խաղացողները հետազոտում են իրական աշխարհը` փորձելով գտնել վիրտուալ պոկեմոններին, որոնց կարելի է տեսնել ու որսալ Android և iOS օպերացիոն համակարգերով գործող սմարթֆոնների միջոցով: Խաղի ստեղծողների մտահղացմամբ՝ աշխարհով մեկ սփռված են Poke Stops անցակետեր, որոնք խաղացողներին խաղը շարունակելու համար անհրաժեշտ միավորներ են տալիս:
Բացի այդ, այդ անցակետերի միջոցով կարելի է գրավել վայրի պոկեմոններին, որոնց խաղացողներն այնքան շատ են ուզում բռնել:
anwt`










