«Նուսրայի ճակատ» խմբավորումը հայտարարել է «Ալ-Քաիդա»-ի հետ կապերը խզելու մասին

09:57 • 29.07.16

«Նուսրայի ճակատ» խմբավորումից սիրիացի ջիհադիստները հայտարարել են, որ առանձնանում են «Ալ-Քաիդա»-ից, գրում է BBC-ի ռուսական ծառայությունը:

 

Խմբավորման առաջնորդ Աբու Մուհամադ ալ-Ջուլանին ուղերձ է ձայնագրել, որտեղ հայտարարել է խմբավորումը «Սիրիայի նվաճման ճակատ» անվանափոխելու մասին:

 

«Ալ-Ջազիրա» արաբական ալիքի հեռարձակած ձայնագրությունում Ջուլանին շնորհակալություն է հայտնել «Ալ-Քաիդա»-ին ըմբռնման համար, որ հարաբերությունները պետք է խզել:

 

Նա հայտարարել է, որ նոր խմբավորումը օտարերկրյա շարժումների հետ ոչ մի կապ չի ունենա։

 

Ենթադրաբար խմբավորումը հույս ունի ավելի սերտ միություններ ձևավորելել Սիրիայում կռվող այլ իսլամիստների հետ:

 

Վերլուծաբանների կարծիքով՝ «Նուսրայի ճակատ» խմբավորումը որոշել է վերակազմավորվել այն բանից հետո, երբ ԱՄՆ-ն և Ռուսաստանն ակտիվացրեցին իրենց ռազմական ջանքերը խմբավորման դեմ: