Կոսովոյում գարեջրի փառատոնի ժամանակ ավելի քան 40 մարդ է վիրավորվել
Կոսովոյի մայրաքաղաք Պրիշտինայում անցկացվող գարեջրի փառատոնի ժամանակ հրմշտոցի հետևանքով ավելի քան 40 մարդ է վիրավորվել, հաղորդում է РИА Новости-ն՝ հղում անելով տեղական RTS հեռուստաալիքին։
Նշվում է, որ իրարանցումը սկսվել է այն բանից հետո, երբ հրապարակում հանգստացող մարդիկ կրակոցներ են լսել, խուճապի մատնվել ու փախուստի դիմել։
Փառատոնի կազմակերպիչների խոսքերով՝ դա եղել է «երկու երիտասարդի միջև բախում»։ Հեռուստաալիքը մանրամասնում է, որ մեկ մարդ հրազենային վնասվածք է ստացել։










