Կաննի քաղաքապետն արգելել է լողափերում բուրկինի կրել
Ֆրանսիական Կանն քաղաքի իշխանություններն արգելել են կանանց տեղի լողափերում հայտնվել բուրկինիներով, որոնք ամբողջությամբ` ոտքից գլուխ, փակում են կնոջ մարմինը:
Ինչպես նշում է lenta.ru-ն, Կաննի քաղաքապետ Դևիդ Լիսնարը մանրամասնել է, որ նմանատիպ հագուստը չի համապատասխանում անվտանգության և հիգիենայի նորմերին:
Բացի այդ, պաշտոնյան նկատել է, որ կրոնական պատկանելությունն ընդգծող հագուստը կարող է դառնալ հասարակական կարգի խախտման պատճառ:
Նշվում է, որ այժմ Կաննի լողափերում բուրկինի կրողները կտուգանվեն 38 եվրոյով:
Աղբյուրը մանրամասնում է, որ արգելքի սահմանումը պայմանավորված է վերջերս Ֆրանսիայում տեղի ունեցած ահաբեկչական հարձակումներով:










