Բռնաբարության մեջ մեղադրվող կալանավորը «Նուբարաշեն» ՔԿՀ-ում ի նշան բողոքի կարել է աչքերը

11:47 • 17.08.16

 

«Նուբարաշեն» քրեակատարարողական հիմնարկում կալանավոր Արթուր Հովհաննիսյանն ի նշան բողոքի կարել է աչքերը:

Լուրը  Tert.am-ի հետ զրույցում հաստատեցին ՀՀ արդարադատության նախարարության քրեակատարողական ծառայության հանրային կապերի բաժնից:

«Արթուր Հովհաննիսյանը բողոքում է խցային պայմաններից, սակայն չնայած խցային պայմանները բարելավվել են, աչքերը շարունակում են կարված մնալ»,- ասաց ԱՆ քրեակատարողական ծառայության Հանրային կապերի բաժնի աշխատակիցը:

Վերջինիս տեղեկացմամբ՝ Արթուր Հովհաննիսյանին մեղադրանք է առաջադրվել ՀՀ քրեական օրենսգրքի 119-րդ հոդվածի 2-րդ մասի (խոշտանգում), 138-րդ հոդվածի  3-րդ մասի (բռնաբարություն, որը կատարվել է անչափահասի նկատմամբ), 142-րդ (անառակաբարո գործողություններ) և 66-րդ (պատիժ նշանակելը հանցանքների համակցությամբ) հոդվածների հատկանիշներով: