YouTube-ի աստղին մեղադրել են Հյուսիսային Կորեայում լավ կյանքի քարոզչություն իրականացնելու համար (տեսանյութ)

Արևմտյան զանգվածային լրատվության միջոցները տեսաբլոգեր Լուիս Քոուլին մեղադրել են Հյուսիսային Կորեայում լավ կյանքի քարոզչություն իրականացնելու համար՝ այդ երկրում նկարահանված հոլովակների շարքի պատճառով։ Տեսանյութերը հրապարակվել են FunForLouis անվանումով YouTube-ալիքում, հաղորդում է lenta.ru-ն։

Տեսանյութերում 33-ամյա բլոգերը պատմում է երկրով ճանապարհորդության մասին և փորձում է հօդս ցնդեցնել երկրի մասին կարծիքը։ Նա փորձում է տեղի խոհանոցը, շփվում բնակիչների հետ և այցելում տեսարժան վայրերը։

Չնայած լավ տրամադրվածությանը՝ Քոուլը, այնուամենայնիվ, հասցրել է որոշ դժվարությունների բախվել, որոնց թվում՝ արևմտյան բլոգերին անսովոր եռուցիչից (кипятильник) օգտվելը։

Բազմաթիվ արևմտյան լրատվամիջոցներ, այդ թվում` VanityFair-ը, The Washington Times-ը և Forbes-ը, բացասաբար են արձագանքել նրա կատարած աշխատանքին՝ նկատելով, որ նրա գործունեությունը քարոզչություն է։