Eurowings լոուքոսթերը հեռանում է Ռուսաստանից. «Կոմերսանտ»
Lufthansa ավիաընկերության դուստր ընկերություն գերմանական Eurowings լոուքոսթերը ստիպված է հեռանալ ռուսական շուկայից՝ տնտեսական պատճառների առնչությամբ, գրում է «Կոմերսանտ» («Коммерсантъ») թերթը՝ վկայակոչելով ավիափոխադրողի ներկայացուցչին:
Լրատվամիջոցի տեղեկություններով՝ լոուքոսթերը կդադարեցնի թռիչքները դեպի Ռուսաստան աշուն-ձմեռ ժամանակահատվածից սկսած:
«Ուղղությունը չի արդարացրել ընկերության բարձր սպասումները»,- Eurowings-ում հաստատել են Ռուսաստանում գործունեությունը դադարեցնելու մասին տեղեկությունները:
Նշվում է, որ Lufthansa-ի «դուստրը» նման որոշման առնչությամբ այլընտրանքներ է փնտրում ուղևորների համար, ովքեր արդեն հասցրել են այդ ժամանակահատվածի համար տոմսեր գնել:










