Լոնդոնում BBC-ի գրասենյակներից մարդիկ տարհանվել են՝ կասկածելի ավտոմեքենայի պատճառով

14:59 • 19.08.16

Լոնդոնի ոստիկանությունը շրջափակել է Ուայթ Սիթի թաղամասը, իսկ այնտեղ գտնվող BBC հեռուստառադիոկորպորացիայի գրասենյակներից մարդիկ տարհանվել են: Ժամանակավորապես փակվել են մետրոյի «Վուդլեյն» կայարանի մոտ գտնվող ճանապարհները, հայտնում է Daily Express-ը:

 

Ականատեսների խոսքերով՝ դեպքի վայրում են գտնվում ոստիկանական, շտապօգնության և հրշեջ ծառայության մեքենաները:

 

Բացի հեռուստառադիոընկերության գրասենյակներից, մի շարք շենքերից նույնպես մարդիկ տարհանվել են՝ «անվտանգության խախտման հետ կապված միջադեպի» պատճառով:

 

Ինչպես նշում է լրատվամիջոցը, պատճառը կասկածելի մեքենան է, որը կայանվել է մետրոյի կայարանի մոտ: