Իրաքում 36 դատապարտյալի են մահապատժի ենթարկել

23:54 • 21.08.16

Իրաքում 36 մարդու են կախել, որոնք դատապարտված են եղել 2014-ին «Քեմփ Սփիչեր» նախկին ամերիկյան ռազմաբազայում 1700 նորակոչիկների սպանության համար:

Ինչպես հաղորդում է BBC-ն` զինվորների զանգվածային սպանությունը Թիքրիտի մոտակայքում գտնվող ռազմաբազայում իրականացրել են «Իսլամական պետություն» ահաբեկչական խմբավորման գրոհայինները:

2014-ին իսլամիստները հրապարակել էին կոտորածի լուսանկարներն ու տեսագրությունը: Մեկ տարի անց գտնվել էր նաև զանգվածային գերեզմանը:

36 դատապարտյալների մահապատիժն իրականացվել է այսօր առավոտյան` Նասիրիա քաղաքի բանտում: Բոլոր մահապատժի ենթարկվածները Իրաքի քաղաքացիներ են եղել: