Քրդական ջոկատները գրոհ են սկսել սիրիական Էլ Հասաքե քաղաքում
Քրդական YPG-ի՝ Ազգային ինքնապաշտպանության ջոկատները կրկին գրոհ են սկսել Սիրիայի հյուսիս-արևելքում գտնվող Էլ Հասաքե քաղաքում կառավարամետ սիրիական միավորումների դեմ, հայտնում է Reuters գործակալությունը՝ վկայակոչելով YPG-ում աղբյուրի և ականատեսների:
Գրոհից առաջ քրդերը կոչ են արել կառավարամետ ուժերին հանձնվել:
Գործակալության տեղեկություններով՝ գրոհը սկսվել է երկուշաբթի օրը կեսգիշերից հետո՝ տեղական իշխանությունների շենքերի մոտակայքում գտվող Նաշվա թաղամասի մոտ:
Ավելի վաղ հաղորդվել է, որ սիրիական ռազմաօդային ուժերի ինքնաթիռները հարձակվել են Էլ Հասաքե քաղաքում քրդերի դիրքերի վրա: Քրդերի հսկողության տակ գտնվող թաղամասերին ուղղված օդային հարվածներն առաջինն են դարձել վերջին հինգ տարվա ընթացքում:










